Ateismu
Da Wikipedia.
L'ateismu, intal sentüü püssee laarch da la parola, al è l'assenza da credienza in l'esistenza da Díu, u da realtaa trassendeent l omm. Chesta definizziun la cjapa deent taant chii che a sustégnen che i déi a esísten mía (la definizziun püssee stregja d'ateismu), quaant chii che ann nissüna credenza sü l'esistenza di déi, inscí cjapaant deent l'agnosticismu veers la religjun, che al aferma che sa pöö mía dí vargott sü un argumeent dal quaal sa gh'a mía assee da cugnussenza.
Malgraa i ateiist a inn da spess di razziunaliist e un bell poo da luur a inn scètich u umaniist, al è mía duma un'ideulugía che i ateiist a spartíssen. Asca cheest-chí, una buna paart di ateiist a inn nò antireligjuus, ma religjuus u spirtüaal malgraa l'assenza da credeenz in l'esistenza da Díu.
